News of Friday, 29th June 2018
પિતા અનિલ કપૂર સાથે સોનમની ફિલ્મનું ટીઝર રિલીઝ
મુંબઈ:સિનિયર અભિનેતા અનિલ કપૂર અને એની અભિનેત્રી પુત્રી નેશનલ એવોર્ડ વિજેતા સોનમ કપૂરને પહેલીવાર સાથે ચમકાવતી ફિલ્મ એક લડકી કો દેખા તો ઐસા લગાનું ટિઝર ગુરુવારે રજૂ થયું હતું. આ ટાઇટલ અનિલ કપૂરની જ હિટ ફિલ્મ ૧૯૪૨ અ લવ સ્ટોરીના એક હિટ ગીત પરથી લેવામાં આવ્યું છે. યોગાનુયોગે આ ગીત પર અભિનય કરી ચૂકેલા અનિલ કપૂર આ ફિલ્મમાં પુત્રી સાથે પહેલીવાર ચમકી રહ્યા છે. આ બંને ઉપરાંત ફિલ્મમાં નેશનલ એવોર્ડ વિજેતા અભિનેતા રાજકુમાર રાવ અને જુહી ચાવલા પણ ચમકી રહ્યાં છે. બીજો એક જોગસંજોગ એવો છે કે ૧૯૪૨ અ લવ સ્ટોરીના સર્જક વિધુ વિનોદ ચોપરા અને મુન્નાભાઇ સિરિઝ જેવી હિટ ફિલ્મો આપનારા રાજકુમાર હીરાણીનું આ સહિયારું સર્જન છે.
(5:36 pm IST)