ચોકલેટી બોયની ઇમેજ તોડવા રોહન કરી રહ્યો છે મહેનત

ટીવી શો યે રિશ્તા કયા કહેલાતા હૈમાં નકશનો રોલ નિભાવી રહેલા અભિનેતા રોહન મહેરાએ લૂક ચેન્જ કરવા ખુબ મહેનત કરી છે. પોતાની ચોકલેડી બોયની ઇમેજને તોડવા માટે રોહને જીમમાં જઇને ખુબ પરસેવો પાડ્યો હતો. હવે તે બોડી બિલ્ડર બની ગયો છે. રોહને રિયાલીટી શો બિગ બોસમાં પણ ભાગ લઇ ચુકયો છે. તેણે કહ્યું હતું કે હું દરરોજ જીમમાં જઇ રહ્યો છું અને મિત્રો સાથેની મુલાકાતો મેં છોડી દીધી છે. હાલમાં હું માત્ર ફિટનેસ પર જ ધ્યાન આપી રહ્યો છું. ઉકાળેલા શાકભાજી અને ઇંડા વધુ ખાઇ રહ્યો છું. હાલમાં રોહન પાસે અન્ય કોઇ શો નથી. તેની આ મહેનતને કારણે કદાચ નવા શો મળી જાય તો નવાઇ નહિ.