તૂફાનમાં મહિલાનું પાત્ર પણ અત્યંત મજબૂત અને મહત્વનું

ફરહાન અખ્તર અને મૃણાલ ઠાકુરની ફિલ્મ તૂફાનની ચાહકો રાહ જોઇ રહ્યા છે. રાકેશ ઓમપ્રકાશ મહેરાની આ ફિલ્મ સ્પોર્ટસ ડ્રામા છે. એવો દાવો કરાયો છે કે આ કહાની સાથે દુનિયાનો દરેક વ્યકિત પોતાને જોડાયેલો સમજશે. નિર્દેશક રાકેશે કહ્યું હતું કે તૂફાન એક અન્ડરડોગની કહાની છે. સોૈથી મહત્વની વાત એ છે કે આ ફિલ્મ મતભેદ ઉભા કરવાને બદલે પ્રેમ વિસ્તારવાની વાત કરે છે. બોકસીંગ એ દુનિયાની પ્રસિધ્ધ રમતો પૈકીની એક છે. આ કારણે અમેરિકા, દક્ષિણ અમેરિકા, રૂસ, યુરોપ સહિતના દેશના લોકો પણ આ ફિલ્મ સાથે જોડાઇ જશે. ફિલ્મ મહિલા સશકિતકરણને પણ રજૂ કરશે. તૂફાનમાં મહિલા નાયકની પણ મજબુત અને મહત્વની ભુમિકા છે. આ પાત્ર મૃણાલે ભજવ્યું છે.   અનન્યા નામનું તેનું પાત્ર અનેક મહિલા માટે પ્રેરણારૂપ બનશે. આ ફિલ્મ અમેઝોન પ્રાઇમ પર એકવીસમી મેના રોજ રિલીઝ થશે.