રાજકુમાર રાવના વેડિંગ રિસેપ્શનમાં 'મેન ઇન બ્લેક' લુક વાયરલ
મુંબઈ: રાજકુમાર રાવ અને પત્રલેખાના તાજેતરના લગ્ન માત્ર તેમના ચાહકો માટે જ નહીં પરંતુ ફિલ્મ ઉદ્યોગના સભ્યો માટે પણ એક મહત્વપૂર્ણ ક્ષણ હતી. લગ્ન સમારોહમાં બોલિવૂડની હસ્તીઓએ હાજરી આપી બંનેને આશીર્વાદ આપ્યા હતા. મહેમાનોની યાદીમાં ફરાહ ખાન, રાવના નજીકના સાથી હંસલ મહેતા, 'આર્ટિકલ 15'ના દિગ્દર્શક અનુભવ સિંહા, 'પ્યાર કા પંચનામા' શ્રેણીના નિર્દેશક લવ રંજન અને 'ધ ફેમિલી મેન'ના નિર્માતા રાજ અને ડીકે જેવા નામો સામેલ હતા.રાજ અને ડીકેના સોશિયલ મીડિયા હેન્ડલ્સે તાજેતરમાં રાજકુમાર અને પત્રલેખાના લગ્નના રિસેપ્શનની એક તસવીર શેર કરી છે, જેમાં તમામ દિગ્દર્શકો રાજકુમારની સાથે કાળા ટક્સીડોમાં સજ્જ જોવા મળે છે. તેણે સ્પેનિશમાં પોસ્ટને કેપ્શન આપ્યું, 'Homebres de Negro (Men in Black)'