'બિગ બોસ તમિલ' વિજેતા આરવ નફીઝ બન્યો પિતા: પત્ની રાહીએ આપ્યો પુત્રને જન્મ

મુંબઈ:  'બિગ બોસ તમિલ' વિજેતા અને અભિનેતા આરવ નફીઝ અને તેની પત્ની અભિનેત્રી રાહી માતા-પિતા બની ગયા છે. રાહીએ એક પુત્રને જન્મ આપ્યો છે. સમાચારની પુષ્ટિ કરતા, અભિનેતાના નજીકના સૂત્રોએ કહ્યું કે માતા અને બાળક બંને ઠીક છે. ગયા વર્ષે સપ્ટેમ્બરમાં આરવ નફીઝે રાહી સાથે ચેન્નાઈમાં લગ્ન કર્યા હતા. આ કાર્યક્રમમાં ઘણા ફિલ્મ સ્ટાર્સે હાજરી આપી હતી, જેમાંથી ઘણા 'બિગ બોસ'ના સ્પર્ધકો પણ હતા. આરવ, જે એક મોડલ હતો, તે 'બિગ બોસ તમિલ'ની પ્રથમ સીઝનનો ખિતાબ જીત્યા બાદ ચર્ચામાં આવ્યો હતો. આ જીતે તેના માટે ફિલ્મોમાં પ્રવેશ કરવાનું સરળ બનાવી દીધું હતું. તેણે ફિલ્મ 'બજાર રાજા MBBS' થી ફિલ્મોમાં ડેબ્યુ કર્યું હતું.