ફિલ્મ 'સંજુ'નું નવો પોસ્ટર લોન્ચ
મુંબઇ: અભિનેતા સંજય દત્તની બાયો-ફિલ્મ સંજુનું એક પોસ્ટર શુક્રવારે રિલિઝ કરાયું હતું જેમાં ૧૯૮૦ના દાયકામાં સંજુએ કરેલા પ્રેમનો અણસાર હતો. અત્રે એ યાદ કરવા જેવું છે કે ૧૯૯૩માં મુંબઇમાં થયેલા સિરિયલ બોમ્બવિસ્ફોટ પછી ગેરકાયદે જીવલેણ હથિયારો રાખવા માટે સંજય દત્તની ધરપકડ થઇ એ પહંલાંના વરસોમાં સંજય દત્ત અને માધુરી દીક્ષિત વચ્ચે અફેર હોવાની વાતો વહેતી થઇ હતી. રાજકુમાર હીરાણીએ સંજય દત્તની બાયો-ફિલ્મ બનાવવાની જાહેરાત કરી ત્યારે માધુરીએ સંજય દત્તની મુલાકાત લઇને પોતાના અફેરની વાતો ફિલ્મમાં રજૂ ન થાય એવી વિનંતી કરી હતી. હાલ માધુરી પરણેલી અને જોડિયા પુત્રોની માતા છે એટલે સ્વાભાવિક રીતેજ એ પોતાના અફેરની વાતો રજૂ ન થાય એવી ઇચ્છા રાખે. સંજય દત્તે એને એવી ખાતરી આપી હતી કે તારાં લગ્નજીવનને અસર કરે એવું કશું ફિલ્મમાં રજૂ નહીં થાય. શુક્રવારે રજૂ થયેલા પોસ્ટરમાં સંજય દત્ત (રણબીર કપૂર ) એની ગર્લફ્રેન્ડ (સોનમ કપૂર) સાથે મસ્તી કરી રહ્ય હોય એવું દ્રશ્ય રજૂ થયુ ંહતું. આ પોસ્ટર સંજયની લવ લાઇફને રજૂ કરતું હોય એ પ્રકારે બનાવાયું હતું. આ ફિલ્મમાં રણબીર કપૂરે કરેલા અભિનયને અત્યાર અગાઉ ટોચના ફિલ્મ સર્જક કરણ જોહરથી માંડીને વિધુ વિનોદ ચોપરા જેવા સૌ કોઇએ મુક્ત મને બિરદાવ્યો હતો.