કૃષ્ણા અને ભારતી સાથે મળી લાવી રહ્યા છે નવો કોમેડી શો

કપિલ શર્માનો નવો શો ફેમિલી ટાઇમ વિથ કપિલ શર્મા એક મહિના માટે સસ્પેન્ડ કરી દેવાયો છે. માત્ર ત્રણ એપિસોડ જ દર્શાવાઇ શકયા હતાં. આ આ શોની જગ્યાએ કૃષ્ણા અને ભારતીનો નવો શો આવી રહ્યો છે. કૃષ્ણાએ કહ્યું હતું કે કપિલ સાથે મને ખુબ લાગણી છે, આજે તે ભારતો નંબર વન સ્ટેન્ડઅપ કોમેડિયન છે. તે ખુબ સારુ કામ કરે છે. તે જલ્દી સાજો થઇ પાછો કામ પર આવે તે માટે મેં પ્રાર્થના કરી છે. ભારતીએ પણ કહ્યું હતું કે કપિલને માફ કરી દેવો જોઇએ, તેણે અત્યાર સુધી બધાને ખુબ હસાવ્યા છે. તેનાથી ભુલ થઇ ગઇ હશે. તે ફરી સામે આવશે ત્યારે કોઇ તેની સામે ઉભુ નહિ રહી શકે. કૃષ્ણા અને ભારતીનો શો બહુ ઝડપથી શરૂ થશે. કૃષ્ણાએ કહ્યું હતું કે હું અને ભારતી મોટો શો લાવવા ઇચ્છતા હતાં, અમને નહોતી ખબર કે આ રીતે અચાનક કોઇ સ્લોટ ખાલી મળી જશે.