સતત વધી રહી છે તારા સુતારીયાના ચાહકોની સંખ્યા
'સ્ટુડન્ડ ઓફ ધ યર-૨' ફિલ્મથી બોલીવૂડમાં એન્ટ્રી કરી રહેલી અભિનેત્રી તારા સુતારીયાનું ફ્રેન્ડ લિસ્ટ લાંબુ જ થઇ રહ્યું છે. ઇંસ્ટાગ્રામ પર તેના ફોલોઅરની સંખ્યા ૨૫ હજારથી વધુ થઇ જતાં તે અત્યંત ખુશ છે. તારા સોશિયલ મિડીયા પર સતત સક્રિય રહે છે અને અવાર-નવાર પોતાના એક એકથી ચડીયાતા ફોટો પોસ્ટ કરતી રહે છે. તેના આ ફોટોને ખુબ જ પસંદ કરવામાં આવે છે. તાજેતરમાં તેણે કાળા રંગના ઓફસોલ્ડર ગાઉન સાથેની તસ્વીરો પોસ્ટ કરી હતી. જેમાં તે ખુબ જ ખુબસૂરત દેખાઇ રહી હતી. આ તસ્વીરને અનેક લાઇકસ મળી હતી. સ્ટુડન્ટ ઓફ ધ યર-૨માં તારા સાથે અનન્યા પાંડે છે અને મુખ્ય હીરો ટાઇગર શ્રોફ છે. તારાએ કલાસિકલ બેલે મોડર્ન ડાન્સ, લેટિન અમેરિકન ડાન્સની લંડનની રોયલ ડાન્સ એકેડેમીમાં તાલિમ લીધી છે. તારા સાત વર્ષની ઉમરથી પ્રોફેશનલ ગાયીકા તરીકે પણ કામ કરી રહી છે. તે અનેક કોન્સર્ટમાં ગીતો પણ ગાઇ ચુકી છે.