ફિલ્મ 'ઈન્શાઅલ્લાહ'ના સંગીતના રાઇટ્સ ત્રીસ કરોડમાં વેચાયા

મુંબઇ: સંજય લીલા ભણશાલીએ પોતાની આવનારી ફિલ્મના સંગીતના હક્કનો સોદો રૂપિયા ત્રીસ કરોડમાં કર્યો હોવાની વાત થઇ રહી છે. જો આ સાચુ ંહોય તો હિંદી સિનેમા જગતની અત્યાર સુધીની  ફિલ્મોની આ સૌથી મોટી ડીલ છે. ભણશાલીની 'ઇન્શાલ્લાહ' ફિલ્મમાં સલમાન ખાન અને આલિયા ભટ્ટ કામ કરી રહ્યા છે. આ એક સંગીતમઢી ફિલ્મ હોવાનું કહેવાઇ રહ્યું છે. '' સારેગામા, સામાન્ય રીતે સંગીતના હક્ક માટે આટલો મોટો સોદો કરતો નથી. પરંતુ આ વખતે  ભણશાલી પ્રોડકશન હાઉસને રૂપિયા ત્રીસ કરોડની ઓફર આપી હતી, જે તેમણે સ્વીકારી હતી. જો આ સાચું હોય તો હિંદી સિનેમાની અત્યાર સુધીની ફિલ્મોનું સંગીતની આ સૌથી મોટી ડીલ છે. આ ફિલ્મમાં સલમાન-આલિયા-ભણશાલી  ત્રિપુટી અને ફિલ્મના સંગીત બ્લોકબસ્ટર થાય તેવી આશા છે.  તેમ ટ્રેડ સોર્સના સૂત્રે જણાવ્યું હતું. આ ફિલ્મનું દિગ્દર્શન ભણશાલીનું છે. તેમજ નિર્માણ ભણશાલી અને સલમાનના પ્રોડકશનહાઉસનું છે. આ જોડી 'ખોમોશી અને હમ દિલ દે ચુકે સનમ બાદ પહેલી વાર ભેગી થઇ છે. જોકે સલમાને ભણશાલીની ફિલ્મ સાંવરિયામાં કેમિયો કર્યો હતો. આ ફિલ્મ દ્વારા રણબીર કપૂર અને સોનમ કપૂર લોન્ચ થયા હતા. આ વખતે પણ ભણશાલી સલમાન સાથે સહ-નિર્માણ કરી રહ્યો છે.