પ્રીતિ વેબ સિરીઝમાં
મહોબ્બતે ફિલ્મથી અમિતાભ બચ્ચન અને શાહરૂખ ખાન સાથે બોલીવુડમાં અભિનય કારકિર્દી શરૂ કરનારી અભિનેત્રી પ્રીતિ જાંગિયાની જો કે આ ફિલ્મ પછી બોલીવૂડમાં કોઇ નામના મેળવી શકી નહોતી. લાંબા સમય સુધી ફિલ્મી પરદાથી દૂર રહેલી પ્રીતિ પણ હવે ડિજીટલ પ્લેટફોર્મે પર આવી રહી છે. તે વેબ સિરીઝથી એકિટંગ ઇન્ડસ્ટ્રીમાં કમબેક કરી રહી છે. નવા શરૂ થઈ રહેલાં 'રાપચિક' નામના પ્લેટફોર્મ પર આવનારી વેબ સિરીઝ 'મેડ ફોર ઇચ અધર' માટે પ્રિતીને સાઇન કરવામાં આવી છે. પ્રીતિ સાથે રાજશ્રી ઠક્કર અને સંદિપ પાટીલ પણ અભિનય કરશે. વેબ સિરીઝમાં ત્રણ એવા કપલની વાત છે કે જેની જિંદગીમાં એક સરખાં કિસ્સાઓ બને છે અને એ પછી પણ એ ઘટનાઓની અસર વિપરીત દેખાય છે. જો જીવનસાથી યોગ્ય સ્વભાવનું ન મળે તો કેવી હાલત થઈ જાય એની વાત મેડ ફોર ઇચ અધરમાં કરવામાં આવી છે. પ્રીતિએ કારકિર્દીની શરૂઆત મલયાલમ ફિલ્મથી ૧૯૯૯માં કરી હતી. એ પછી ૨૦૦૦માં તે બોલીવૂડમાં આવી હતી.