સનીની ફિલ્મ પાંચ ભાષામાં રિલીઝ થશે

સની લિયોનના બોલીવૂડ ઉપરાંત તમિલનાડુમાં પણ અસંખ્ય પ્રશંસકો છે. સની હાલમાં વિરમાદેવી નામની તમિલ ફિલ્મમાં કામ કરી રહી છે. આ ફિલ્મ તમિલમાં તેની મુખ્ય અભિનેત્રી તરીકેની પહેલી ફિલ્મ છે. આ પહેલા તે ૨૦૧૪માં વાડાકરી નામની તમિલ ફિલ્મમાં મહેમાન કલાકાર તરીકે કામ કરી ચુકી છે. આ ફિલ્મની કહાની સની લિયોન આસપાસ ઘુમતી રહેશે. ફિલ્મનું પહેલુ પોસ્ટર રિલીઝ થઇ ગયું છે. જેમાં સનીનો જાદુઇ લૂક જોવા મળે છે. તેના ચાહકોને આ પોસ્ટર ખુબ ગમ્યું છે. ફિલ્મનું નિર્દેશન વી.સી. વાડિવુદાઇયા કરી રહ્યા છે. તમિલની સાથો સાથ આ ફિલ્મ હિન્દી, તેલુગુ, મલયાલમ અને કન્નડ ભાષામાં પણ ડબ કરીને રિલીઝ કરવામાં આવશે. બોલીવૂડમાં પ્રારંભીક સફળતા બાદ સનીએ આઇટમ સોંગ થકી ચાહકો જાળવી રાખ્યા છે.