બોબી દેઓલને 'આશ્રમ' માટે મળ્યો શ્રેષ્ઠ અભિનેતાનો એવોર્ડ

મુંબઈ: બોલીવુડ અભિનેતા બોબી દેઓલે ગયા વર્ષે ઓટીટી પ્લેટફોર્મ પર પ્રવેશ કર્યો હતો. તે પહેલા નેટફ્લિક્સ શ્રેણી 'ક્લાસ 83' અને ત્યારબાદ પ્રકાશ ઝાની વેબ સિરીઝ 'આશ્રમ'માં દેખાયો. આ શ્રેણીમાં બાબા નિરાલાની ભૂમિકા માટે દાદાસાહેબ ફાળકે આંતરરાષ્ટ્રીય ફિલ્મ મહોત્સવમાં તેમને એવોર્ડ પણ મળ્યો છે. બોબી દેઓલે ઓટીટી સિરીઝનો બેસ્ટ એક્ટરનો એવોર્ડ જીત્યો. 5 મી દાદાસાહેબ ફાળકે આંતરરાષ્ટ્રીય ફિલ્મ મહોત્સવ એવોર્ડ 20 ફેબ્રુઆરીએ મુંબઇમાં યોજાયા હતા. બોબી દેઓલ 'આશ્રમ'માં નકારાત્મક ભૂમિકામાં જોવા મળ્યા હતા, જેના માટે તેમની ખૂબ પ્રશંસા પણ કરવામાં આવી હતી. હવે શ્રેણીના નિર્માતાઓએ પણ તેનો બીજો ભાગ જાહેર કર્યો છે.