રિતીકના ભાઇનો રોલ નિભાવશે ટીવી સ્ટાર નકુલ
ટીવી પરદે પ્યાર કા દર્દ હૈ મીઠા મીઠા પ્યારા પ્યારા શોથી જાણીતા બનેલા અભિનેતા નકુલ મહેતાએ અગાઉ ફિલ્મો પણ કરી છે. પણ ટીવી પરદે તેને વધુ નામના મળી છે. ઇન્ડિયાઝ ગોટ ટેલેન્ટનું સંચાલન પણ તેણે કર્યુ હતું. ૨૦૧૬ અને ૨૦૧૯માં ટીવી શો ઇશ્કબાઝથી તેના ચાહકોની સંખ્યા ખુબ વધી હતી. બોલીવૂડમાં સોૈથી હેન્ડસમ હીરોમાં રિતીક રોશનની ગણતરી થાય છે, એમ ટીવી પરદે નકુલનું નામ આ બાબતે ટોચ પર છે. માંજરી આંખો અને હેન્ડસમ ફેસ તથા બોડીને કારણે નકુલના અસંખ્ય ચાહકો છે. હવે નકુલ રિતીક રોશન સાથે ફિલ્મી પરદે જોવા મળશે. રોહિત શેટ્ટી અને ફરાહ ખાન મળીને જે ફિલ્મ બનાવી રહ્યા છે તેમાં રિતીકના ભાઇના રોલ માટે નકુલને પસંદ કરવામાં આવ્યાની વાત છે. આ ફિલ્મ સત્તે પે સત્તાની રિમેક હોઇ શકે છે. જો કે ફિલ્મની કહાની વિશે હજુ કોઇ ઘોષણા થઇ નથી. અમિતાભ વાળા રોલ માટે એકમાત્ર રિતીક ફાઇનલ થયો છે. તેમજ તેના એક ભાઇ તરીકે નકુલની પસંદગી થઇ છે.