વિદ્યા અને નિમરત બનશે વૈજ્ઞાનિકઃ અક્ષયનો ગેસ્ટ રોલ

અક્ષય કુમાર અને વિદ્યા બાલન ફરી સાથે કામ કરી રહ્યા છે. આ પહેલા બંને ભૂલભુલૈયામાં સાથે હતાં. જો કે બંનેની જોડી નહોતી. હવે અક્ષય સાથે વિદ્યા ઉપરાંત નિમરત કોૈર પણ મહત્વની ભૂમિકામાં જોવા મળશે. આર. બાલ્કી આ ફિલ્મ બનાવી રહી છે. અગાઉ અક્ષય પેડમેનમાં અને વિદ્યા પા ફિલ્મમાં બાલ્કી સાથે કામ કરી ચુકયા છે. ચર્ચા છે કે આ ફિલ્મમાં વિદ્યા બાલન અને નિમરત કોૈરની ભૂમિકા મુખ્ય હશે. અક્ષય કુમારનો રોલ બહુ લાંબો નહિ હોય, આમ છતાં તે ખુબ મહત્વનો હશે. વિદ્યા અને નિમરત વૈજ્ઞાનિકનો રોલ નિભાવતી અને મંગળ ગ્રહ પર સંશોધન કરતી જોવા મળશે. ફિલ્મનું નામ 'મહિલા મંડલી' એવું રખાયું છે. આ ફિલ્મ તદ્દન અલગ જ પ્રકારની હશે. અમિતાભ બચ્ચન ફિલ્મમાં ગેસ્ટ રોલમાં જોવા મળશે.