જ્હાન્વીએ પુરૂ કર્યુ શુટીંગ
અભિનેત્રી જ્હાન્વી કપૂર સતત ચર્ચામાં રહે છે. હાલમાં તે રાજકુમાર રાવ સાથે નિર્દેશક હાર્દિક મહેતાની ફિલ્મ 'રૂહ-અફઝા'માં કામ કરી કરી રહી છે. આ એક હોરર કોમેડી ફિલ્મ છે. જેમાં જ્હાન્વી ડબલ રોલમાં જોવા મળવાની છે. આવતા વર્ષે ૨૦મી માર્ચના રોજ રિલીઝ થનારી આ ફિલ્મનું જ્હાન્વીએ શુટીંગ પણ પુરૂ કરી લીધું છે. સોશિયલ મિડીયા પર માહિતી આપી તેણે કહ્યું હતું કે ફિલ્મનું શુટીંગ પુરૂ કરી લીધું છે. અમે મનાલી, રૂડકી અને આગ્રામાં શુટીંગ કર્યુ છે. રાજકુમાર અને જ્હાન્વી પહેલી જ વખત સાથે કામ કરી રહ્યા છે. ફિલ્મમાં આ બંને કલાકાર ઉપરાંત વરૂણ શર્મા, પંકજ ત્રિપાઠી, આમના શરીફ, રોનિત રોય સહિતના પણ મહત્વના રોલમાં છે. ૨૧ વર્ષિય જ્હાન્વીની હજુ એક ફિલ્મ રિલીઝ થઇ છે. છતાં તેણે અસંખ્ય ચાહકો ઉભા કરી લીધા છે. તેની પાસે અન્ય ફિલ્મોમાં તખ્ત, દોસ્તાના-૨, રણભૂમિ તેમજ ગુંજન સકશેનાની બાયોપિક પણ છે.જેમાં તે ઇન્ડિયન એરફોર્સની પાયલોટનો રોલ નિભાવી રહી છે.