શાહિદ કપૂરની ડેબ્યુ ફિલ્મ 'ઇશ્ક વિશ્ક'ની રીમેક બનાવવાની તૈયારીઓ શરૂ

મુંબઇ: શાહિદ કપૂરની કારકિર્દીની પ્રથમ ફિલ્મ 'ઇશ્ક વિશ્ક'ની સિકવલની તૈયારી થઇ રહી છે. આ ફિલ્મની સ્ક્રિપ્ટ પર હાલ કામ ચાલી રહ્યું છે, અને જલદી જ આ ફિલ્મની સત્તાવાર ઘોષણા કરવામાં આવશે. 'ઇશ્ક વિક' ફિલ્મ રોમેન્ટિક ફિલ્મ હતી. રમેશ તોરાનીએ આ ફિલ્મની સિકવલની તૈયારી થઇ રહી હોવાનું જણાવ્યુ હતું. તેણે કહ્યુ હતુ કે, હાલ અમે ફિલ્મની સ્ક્રિપ્ટ પર કામ કરી રહ્યા છીએ, સ્ક્રિપ્ટ પૂરી થતાં જ કલાકારોની વરણી કરવામાં આવશે.  મને આશા છે કે આવતા બે-ત્રણ મહિનામાં અણે ફિલ્મની સ્ક્રિપ્ટ પુરી કરીને દિગ્દર્ર્શક અને કાસ્ટને ફાઇનલ કરી લેશું.આ એક રોમેન્ટિક ફિલ્મ હશે જેમાં ટીનએજ રોમાન્સ અથવા કોલેજ રોમાન્સ જોવા મળશે. શાહિદે આ ફિલ્મ દ્વારા જ કારકિર્દી શરૂ કરી હતી. આ ફિલ્મમાં તેની સાથે અમૃતા રાવ અને શેહનાઝ ટ્રેઝરી સાથે રોમાન્સ કર્યો હતો.