હોરર ફિલ્મ કંચના-3 યુ ટ્યુબ પર છવાઈ
મુંબઇ: અભિનેત્રી તાપસી પન્નુ અભિનિત હોરર ફિલ્મ કંચના થ્રી ને યુ ટયુબ પર જબરદસ્ત પ્રતિભાવ સાંપડયો હોવાની જાણકારી મળી હતી. આ સિરિઝની પહેલી બે કડીને પણ યુ ટયુબ પર સરસ આવકાર મલ્યો હતો. અત્યારે આ ત્રીજી કડી નંબર વનના સ્થાને પહોંચી ગઇ હોવાનું જાણવા મળ્યું હતું. માત્ર ૪૮ કલાકમાં એને સિત્તેર લાખ (સાત મિલિયન) હિટ્સ મળી હતી. આ ફિલ્મ હોરર હોવા ઉપરાંત કોમેડી છે. એમાં તાપસી પન્નુએ એક ભૂતનો રોલ કર્યો છે. એની સ્ટોરીલાઇન એકદમ ફ્રેશ હોવાનો એના સર્જકોનો દાવો છે. સમર્થનવિહોણા એક અહેવાલ મુજબ ટોચનો એક્શન કમ કેામેડી સ્ટાર અક્ષય કુમાર આ હોરર કોમેડી પરથી એક ફિચર ફિલ્મ બનાવવાની યોજના ઘડી રહ્યો હતો. આ શ્રેણીમાં એક એનઆરઆઇની વાત છે. એ પોતાનું મકાન વેચવા માગે છે. એણે પોતાનાં સ્વજનોને ચૂપચાપ મારી નાખ્યાં હતાં એટલે આ મકાનમાં એનાં સ્વજનો ભૂત થઇને રહે છે. મકાન ભૂતિયું થઇ ગયું છે એવી વાત એમાં વણી લેવામાં આવી છે.