અનુરાગ બસુની ફિલ્મ લાઇફ ઇન અ મેટ્રોની સિક્વલમાં કામ કરશે કંગના રનોત
મુંબઈ:અભિનેત્રી કંગના રનૌત અનુરાગ બસુની ફિલ્મ લાઇફ ઇન અ મેટ્રોની સિક્વલ ફિલ્મ પણ કરવાની હોવાનું જાણવા મળ્યું હતું. યોગાનુયોગે અનુરાગ બસુની ગેંગસ્ટર ફિલ્મથીજ કંગનાએ પોતાની અભિનય કારકિર્દી શરૃ કરી હતી. ગંેગસ્ટર પછી આ બંનેએ વો લમ્હેં, લાઇફ ઇન અ મેટ્રો અને કાઇટ્સ ફિલ્મો કરી હતી. લાઇફ ઇન અ મેટ્રોને સમીક્ષકોએ પણ બિરદાવી હતી. આ ફિલ્મમાં ઇરફાન ખાન, શિલ્પા શેટ્ટી, કોંકોણા સેન શર્મા અને અન્યોએ કામ કર્યુ ંહતું. હવે અનુરાગ બસુ લાઇફ ઇન અ મેટ્રોની સિક્વલ બનાવવાનું પ્લાનિંગ કરી રહ્યા હોવાની માહિતી મળી હતી. એ માટે કંગનાનો સંપર્ક સાધવામાં આવ્યો હતો અને કંગનાએ આ સિક્વલ કરવાની હા પાડી હોવાની માહિતી મિડિયાને આપવામાં આવી હતી. હાલ કંગના મણીકર્ણિકામાં ઝાંસી કી રાનીનો રોલ કરી રહી છે. એ ફિલ્મ પૂરી થયા બાદ આ સિક્વલનો આરંભ થશે એેવું એની નિકટનાં સૂત્રોએ કહ્યું હતું. જો કે કંગનાએ અનુરાગને એમ પણ કહ્યું હતું કે સ્ક્રીપ્ટ જોરદાર હોય એ જોજો. સ્ક્રીપ્ટ અને મારો રોલ બંને પાવરફૂલ હોય તો જ મારે કામ કરવું છે. અનુરાગે એને હૈયાધારણ આપી હતી કે બંને સરસ હશે. તું ચિંતા નહીં કર.