ડાન્સ-માસ્ટર બની પ્રીતિ ઝિંટા

પ્રીતિ ઝિંટા હાલમાં જ સિન્ગિંગ રિયલિટી શો 'સા રે ગા મા પા'માં આ શોમાં જઇને તે તેની 'દિલ ચાહતા હૈ' ની યાદમાં ખોવાઇ ગઇ હતી. તેણે આ શોના જ્જ શેખર રાવજિયાણી અને વાજિદ ખાનની સાથે હોસ્ટ આદિત્ય નારાયણને પણ સ્ટેજ પર આ ફિલ્મનાં ડાન્સ-સ્ટેપ્સ કરાવ્યાં હતાં. શેખરે જયારે તેને ગીત ગાવા માટે કહ્યું ત્યારે ફિલ્મની યાદને તાજી કરીને પ્રીતિએ કહ્યું હતું કે 'હું કંઇ પણ કરી શકું છું, પરંતુ ગીત મારા બસની વાત નથી. મને યાદ છે કે આ ફિલ્મના ગીતના શૂટિંગ દરમ્યાન મારે લિપ સિંક કરવાનું હતું અને મારાથી એ પણ થઇ રહ્યું નહોતું. મારો ડિરેકટર ફરહાન અખ્તર ખુબ જ ગુસ્સે થઇ ગયો હતો અને આમિર સેટ છોડીને જવાની તૈયારીમાં જ હતો.'