રણબીર કપૂર નજરે પડી શકે છે સંદીપ વાંગાની 'ડેવિલ'માં
મુંબઈ: બોલિવૂડના રોકસ્ટાર રણબીર કપૂર ડેવિલ ફિલ્મમાં કામ કરી શકે છે. રણબીર કપૂર આ દિવસોમાં એક સંપૂર્ણપણે અલગ પ્રયોગ કરી રહ્યો છે. તે એવી ફિલ્મોની પસંદગી કરી રહ્યો છે જે તેણે હજી સુધી કરી નથી.આ ફિલ્મો મોટાભાગે એક્શન અને રોમાંચક ફિલ્મો છે. રણબીર હાલમાં 'શમશેરા' અને 'બ્રહ્માસ્ત્ર' જેવી ફિલ્મોમાં કામ કરી રહ્યો છે. હવે તેની હેડલાઇન્સમાં એક નવી ફિલ્મ છે. કહેવામાં આવી રહ્યું છે કે રણબીર કબીર સિંહના ડિરેક્ટર સંદીપ રેડ્ડી વાંગાની આગામી ફિલ્મ ડેવિલમાં કામ કરતો જોવા મળશે.રણબીર કપૂર છેલ્લે સંજય દત્તની બાયોપિક ફિલ્મ 'સંજુ' માં કામ કરતા જોવા મળ્યો હતો. આ ફિલ્મમાં તેણે સંજય દત્તની ભૂમિકા ભજવી હતી. જ્યાં સુધી રણબીર કપૂરની 'ડેવિલ'માં કામ કરવાની વાત છે, તેની સત્તાવાર રીતે જાહેરાત કરવામાં આવી નથી.