વજન ઘટાડવા સખત મહેનત કરી રહ્યો છે પ્રભાસ
સાઉથનો સુપરસ્ટાર પ્રભાસ બાહુબલી અને સાહો પછી બોલીવૂડમાં પણ જાણીતો બની ગયો છે. શ્રધ્ધા કપૂર સાથેની તેની સાહોએ કરોડોની કમાણી કરી લીધી છે. સાહો થકી પ્રભાસ હવે દેશભરના ફિલ્મી ચાહકોમાં જાણીતો બન્યો છે. હવે પછી તે રોમાન્ટીક ડ્રામા જોનરની ફિલ્મમાં કામ કરવાનો છે. આ ફિલ્મનું નિર્દેશન રાધાકૃષ્ણ કુમાર કરશે. આ ફિલ્મ માટે પ્રભાસને વજન ઘટાડવાનું કહેવામાં આવ્યું છે. આ કારણે પ્રભાસ સખ્ત ડાયેટ પ્લાનને અનુસરી રહ્યો છે અને જીમમાં જઇ ખુબ કસરતો કરી રહ્યો છે. ફિલ્મનું પહેલા શેડ્યુલનું શુટીંગ યુરોપમાં થવાનું છે. આ ફિલ્મમાં પ્રભાસ સાથે હિરોઇન તરીકે પૂજા હેગડેને લેવામાં આવી છે. કહાની લંડન પર આધારીત છે જે ૧૯૭૦ના દસકની હશે. પ્રભાસની સાહોને વિવેચકો અને અમુક દર્શકોએ ભલે વખાણી ન હોઇ છતાં ૪૦૦ કરોડનો વેપાર કરી લીધો છે. ફિલ્મ પાછળ સાડા ત્રણસો કરોડનો ખર્ચ કરાયો હતો.