વિક્રમ બત્રાની ભૂમિકા માટે ખુબ મહેનત કરવી પડશેઃ સિધ્ધાર્થ

સિધ્ધાર્થ મલ્હોત્રા હવે કારગીલ શહિદ કેપ્ટન વિક્રમ બત્રાના રોલમાં જોવા મળશે. સિધ્ધાર્થે કહ્યું હતું કે આ રોલ મારી કારકિર્દીનો સોૈથી વધુ મુશ્કેલ રોલ છે. વિક્રમ બત્રાની બાયોપિકમાં સિધ્ધાર્થ મુખ્ય રોલમાં છે.

હાલમાં સિધ્ધાર્થ બાલાજી મોશનની એક ફિલ્મમાં વ્યસ્ત છે. જેમાં તેની સાથે પરિણિતી ચોપડા છે. આ ફિલ્મ પુરી કર્યા પછી તે વિક્રમ બત્રાની બાયોપિકનું શુટીંગ શરૂ કરશે. તે કહે છે આ પાત્રને ખુબ જ સારી રીતે પરદા પર રજુ કરવું એ મારું કામ છે અને મારી જવાબદારી પણ છે. આ માટે હું ખુદને તૈયાર કરી રહ્યો છું. આ રોલ માટે મારે ખુબ જ મહેનત કરવી પડશે. કારગીલ યુધ્ધમાં પાકિસ્તાની સેનાને ખદેડી દેવામાં મહત્વની ભૂમિકા કેપ્ટન વિક્રમ બત્રાએ નિભાવી હતી અને તેમને મરણોત્તર સર્વોચ્ય સૈન્ય સન્માન પરમવિર ચક્રથી નવાજવામાં આવ્યા હતાં.