સુજિત સરકારની ફિલ્મમાં પહેલીવાર આયુષ્માન ખુરાના કરશે અમિતાભ બચ્ચન સાથે કામ
મુંબઈ:અમિતાભ બચ્ચને સુજિત સરકારની ફિલ્મ સાઇન કરી છે. હવે આ ફિલ્મમાં તેની સાથે આયુષ્યમાન ખુરાના પણ જોડાયો છે. આ બન્ને અભિનેતાઓ કારકિર્દીમાં પહેલી વાર સાથે કામ કરશે. આ ફિલ્મનું દિગ્દર્શન સુજિત સરકારનું હશે. 'ગુલાબો સીતાબો'નામની આ એક ફેમિલિ ડ્રામા કોમેડી હશે. સુજિતે સોશિયલ મીડિયા પર જણાવ્યુ ંહતું કે, આયુષ્યમાન અને અમિતાભ પહેલી વખત સ્ક્રીન શેયર કરશે. આ ફિલ્મને જૂહી ચતુર્વેદીએ લખી છે. જેનું શૂટિંગ આવતા મહિનાથી શરૂ થશે. આ ફિલ્મને આ વરસે જ રિલીઝ કરવાની યોજના છે. આયુષ્યમાન અને સુજિતે ભૂતકાળમાં 'વિક્કી ડોનર'માં સાથે કામ કરી ચુક્યા છે. આયુષ્યમાને આ ફિલ્મથી કારકિર્દી શરૂ કરી હતી અને ફિલ્મ સફળ નીવડી હતી.શૂજિત સરકાર હાલમાં વિક્કી કૌશલ સાથે 'ઉધમ સિંહ'ની બાયોપિકના શૂટિંગમાં વ્યસ્ત છે. અમિતાભ અને આયુષ્યમાનની ફિલ્મમાં હિરોઇનની હજી ઘોષણા થઇ નથી.