પિયાનો વગાડતાં શીખવું છે દિપીકાને
રણવીર સિંહ સાથે લગ્ન કર્યા પછી દિપીકા પાદુકોણ ફરીથી કામે વળગી છે. હાલમાં તે મેઘના ગુલઝારની ફિલ્મ 'છપાક'નું કામ કરી રહી છે. આ વર્ષમાં તે શું કરવા ઇચ્છે છે? તેવા સવાલના જવાબમાં દિપીકાએ કહ્યું હતું કે હું મારા માતા-પિતા અને બહેન સાથે વધુને વધુ સમય વિતાવવા ઇચ્છુ છું. આ વર્ષે ગીટાર તેમજ પિયાનો વગાડતા પણ શીખવાની છું. હું આમ તો દર વર્ષે આ નિર્ણય કરુ છું, પણ આ વખતે ચોક્કસ શીખીશ. દિપકાએ એવી ઇચ્છા પણ વ્યકત કરી હતી કે આયુષ્યમાન ખુરાનાની પાછલી ફિલ્મ 'અંધાધૂન' તેને ખુબ પસંદ આવી હતી. આ ફિલ્મની સિકવલ બનશે તો પોતે તેમાં ચોક્કસ કામ કરશે. દિપકા કહે છે અંધાધૂન-૨માં પોતે ફિટ બેસી શકે તેમ હોવાનું લાગે છે. આયુષ્યમાને અંધ યુવાનનો રોલ નિભાવ્યો હતો. સાથે તબ્બુ અને રાધિકા આપ્ટે મહત્વના રોલમાં હતી.