ફિલ્મો પોતાનો રસ્તો, દર્શકો જાતે શોધે છેઃ રિતેશ

ફૂકરે રિટર્ન્સની સફળતા પછી નિર્માતા રિતેશ સિધવાની હવે નવી ફિલ્મ 'થ્રી-સ્ટોરીઝ'ને રિલીઝ કરવાની તૈયારીમાં છે. રિતેશે કહ્યું હતું કે ફિલ્મો પોતાનો બિઝનેસ જાતે જ શોધી લે છે. તે મંચ અને દર્શકોને પણ શોધી લાવે છે. તાજેતરમાં રિતેશે કલાકારો રેણુકા સહાણે, પુલકિત સમ્રાટ, રિચા ચઢ્ઢા સાથે ફિલ્મ થ્રી-સ્ટોરીઝનું ટ્રેલર લોન્ચ કર્યુ હતું. ફૂકરે રિટર્ન્સ જેવી કોમર્શિયલ ફિલ્મ પછી આ ફિલ્મ પસંદ કરવાનું કારણ જણાવતાં રિતેશે કહ્યું હતું કે મારી આ ફિલ્મ ફૂકરે રિટર્ન્સ પહેલા તૈયાર થઇ ગઇ હતી. અમે તેને યોગ્ય સમયે રિલીઝ કરવાની રાહ જોતા હતાં. ફૂકરે રિટર્ન્સ આટલુ સારું પ્રદર્શન કરશે તેવી કોઇએ આશા કરી નહોતી. અમે અગાઉ ૨૦૦૬માં હનીમૂન ટ્રાવેલ્સ નામની ફિલ્મ આપી હતી. ફિલ્મો  પોતાનો રસ્તો જાતે જ શોધે છે. થ્રી સ્ટોરીઝનું નિર્દેશન અર્જુન મુખર્જીએ કર્યુ છે.