સોશિયલ મીડિયા પર નંબર વન બની આલિયા ભટ્ટ

મુંબઈ: મહેશ ભટ્ટની પુત્રી આલિયાએ બોલીવૂડમાં ડેબ્યુ કર્યું ત્યારથી જ રૃપેરી પડદે ધૂમ મચાવી રહી છે. હાલમાં રીલિઝ થયેલી ફિલ્મ 'રાઝી' થી તેણે પૂરવાર કરી દીધું છે કે તે પોતાના દમ પર જ ફિલ્મને રૃા. ૧૦૦ કરોડની ક્લબ સુધી પહોંચાડી શકે છે. હવે તે સોશયલ મીડિયા પર પણ યુઝર્સોની ચહિતી થઇ ગઇ છે. તે સોશયલ મીડિયાના એક સર્વેમાં પ્રથમ સ્થાને રહી છે. તાજેતરમાં થયેલા એક સર્વેમાં આલિયા ૧૦૦ ગુણાંક સાથે 'મોસ્ટ એજિંગ એકટ્રેસ ઓન ટ્વિટર બની ગઇ છે. આલિયાએ આ બાબતમાં હોલીવૂડમાં પોતાની ઓળખ બનાવી ચુકેલી પ્રિયંકા ચોપરાને બહુ પાછળ મુકી દીધી છે. આ યાદીમાં ૮૯ ગુણાંક મેળવીને અનુષ્કા શર્મા બીજા સ્થાને છે. જ્યારે દીપિકા પદુકોણે ૭૯ ગુણાંક મેળવીને ત્રીજા સ્થાને અને જેકલિન ફર્નાન્ડિસ ૬૪ પુણાંક મેળવીને ચોથા સ્થાને જ્યારે પ્રિયંકા ચોપરાને ફક્ત ૬૩ ગુણાંક જ મળ્યા છે અને તે પાંચમા સ્થાને છે.