News of Thursday, 14th June 2018
હોલીવુડમાં કામ કરવાનો ચસ્કો લાગ્યો કાજોલને
મુંબઈ: પ્રિયંકા ચોપરા અને દીપિકા પદુકોણ બાદ કાજોલને પણ હોલીવૂડની ફિલ્મમાં કામ કરવાની ઇચ્છા છે. જોકે તેની શરત એટલી જ છે કે તેને ફિલ્મની પટકથા પસંદ પડવી જોઇએ. '' હું હોલીવૂડ ફિલ્મ પસંદ કરતા પહેલા એ જ પ્રશ્ર કરીશ જે હિંદી ફિલ્મોની પસંદગી કરતી વખતે કરતી હોઉં છું. હાલ તો મારા ધ્યાનમાં ખાસ કોઇ શૈલી નથી, પરંતુ એ નિર્ભર કરે છે કે પટકથા મને આકર્ષિત કરે છે કે નહીં,તેમ કાજોલે એક ઇન્ટરવ્યુમાં જણાવ્યું હતું. ઉલ્લેખનીય છે કે કાજોલ છેલ્લે ધનુષ સાથેની ફિલ્મમાં નજરે ચડી હતી. આ ફિલ્મમાં કાજોલે નકારાત્મક પાત્ર ભજવ્યું હતું. આ ફિલ્મ તેણે ધનુષના વિનંતીને કારણે સાઇન કરી હતી. એ પછી અભિનેત્રીએ હોલીવૂડની એનિમેશન ફિલ્મ 'ઇનક્રેડિબલ્સ ૨માં પોતાનો અવાજ આપ્યો છે.
(3:57 pm IST)