કોમેડિયન ભારતીસિંહને બનવું હતું ડાન્સર

કોમેડીયન ભારતી સિંહે તાજેતરમાં એક શો 'ડાન્સ દિવાને'ના શુટીંગમાં ભાગ લીધો હતો. આ શોમાં ધક-ધક ગર્લ માધુરી દિક્ષીત જજ તરીકે છે. ભારતી ભલે કોમેડિયન હોય પણ તે દેરક ફિલ્ડમાં એકસપર્ટ છે. કોમેડી, ડાન્સ, હોસ્ટીંગ...આ બધુ કામ તે સારી રીતે કરી જાણે છે. શોમાં ભારતીએ કહ્યું હતું કે તે હકિકતે એક ડાન્સર બનવા ઇચ્છતી હતી. ડાન્સ હમેંશા મારા માટે આકર્ષણ બની રહ્યો છે. તેને ડાન્સ આધારીત શો ખુબ ગમે છે. ભારતીએ કહ્યું હતું કે આ શોમાં ઉત્સાહ અને ઉર્જાથી ભરપુર સ્પર્ધકો આવે છે જે જોવાની મજા આવે છે. હું આ તમામની સરાહના કરુ છું. આ ડાન્સ શો એવા લોકોને મંચ પ્રદાન કરે છે જેનમાં ડાન્સ પ્રત્યે અત્યંત ભાવુકતા છે. આ શો કલર્સ ચેનલ પર પ્રસારીત થાય છે.