વિલન હવે રોમાન્સ કરશેઃ વિશાલ જેઠવાનો નવો અવતાર
યુવા અભિનેતા વિશાલ જેઠવાએ રાની મુખર્જી અભિનીત મર્દાની-૨માં ખતરનાક વિલનનો રોલ નિભાવ્યો હતો અને શાનદાર અભિનય બદલ પુરષ્કાર પણ મેળવ્યો હતો. વિશાલે કારકિર્દીની શરૂઆત ટીવી પરદેથી કરી હતી. પણ તેનો બોલીવૂડ પ્રવેશ દમદાર થયો હતો. હવે તે એક મ્યુઝિક વિડીયોમાં રોમાન્ટીક અંદાજમાં જોવા મળવાનો છે. તેરી મિટ્ટી ફેઇમ કે અકરો પ્રૈવો મુખર્જીએ એક સુમધુર સિંગલ ગીત 'ધત' ગાયું છે. વિશાલ તેમાં આકર્ષક પ્રેમીના રોલમાં છે. વિશાલે કહ્યું હતું કે આ મ્યુઝિક વિડીયો માટે અરકો દા મારી પાસે આવ્યા હતાં અને હું તુરત જ કામ કરવા તૈયાર થઇ ગયો હતો. એક પ્રતિષ્ઠીત ગાયક, રાઇટર, કમ્પોઝરની ઓફર તમે કઇ રીતે જતી કરી શકો. હું પહેલેથી તેનો ચાહક હતો. મને ગીતમાં રોમાન્ટીક પાત્ર મળતું હોઇ તેની પણ વધુ ખુશી હતી. મને લાગ્યું કે આ કંઇક અલગ અને પડકારરૂપ છે. મને મર્દાની ૨ પછી ચાહકો અલગ જ અવતારમાં આ ગીતમાં જોઇ શકશે. વિશાલ ગુજરાતી પરિવારનો છે અને ભારત કા વીરપુત્ર-મહારાણા પ્રતાપ સિરીયલમાં યુવા અકબરનો રોલ નિભાવી અભિનય શરૂ કર્યો હતો.