સુપર-30 માટે વેઇટ ટ્રેનિંગ છોડી ઋત્વિક રોશને

મુંબઇ:હૃતિક રોશન હાલ ફિલ્મ સુપર ૩૦નું શૂટિંગ કરી રહ્યો છે. જેમાં તે આનંદ કુમારની ભૂમિકા ભજવી રહ્યો છે. હૃતિક આ ફિલ્મ માટે બોડી લેન્ગવેજ અને લુક્સ પર વધુ પડતુ ધ્યાન આપી રહ્યો છે. તેણે નિયમિત રીતે લેવાતી વેઈટ ટ્રેનિંગ પણ છોડી દીધી છે.  સામાન્ય રીતે હૃતિક પોતાના પાત્ર માટે વિભિન્ન પ્રકારની વેટ ટ્રેનિંગ લેતો હોય છે, પરંતુ ફિલ્મ સુપર ૩૦નું શૂટિંગ શરૃ કરતા પહેલા જ હૃતિકે પાત્રને ન્યાય આપવા તાલીમ છોડી દીધી છે.  હૃતિકે મંગળવારે ટવિટ કરીને પીઆર કંપનીઓથી પોતાની નારાજગી વ્યક્ત કરી હતી. તેણે  ટવિટ કર્યું હતું કે, '' મને એ વાતથી કોઇ ફરક પડતો નથી કે પીઆર કંપનીઓ મારા નામનો ગેરઉપયોગ કરી રહી છે. તે આ રીતે પોતાના ક્લાયન્ટને પ્રમોટ કરી રહી છે. પરંતુ હું તેમને સ્પષ્ટ કહી દઉં છું કે હું તેમનું આ કામ કરવાનો નથી. કંપની પોતાના ક્લાયન્ટ પર ભરોસો રાખે અને ટ્રિક્સનો સહારો લેવાનું બંધ કરી દે. સુપર ૩૦ની ફીમેલ લીડને આઠ મહિના પહેલા જ ફાઇનલ કરવામાં આવી છે.