વર્ષ ૨૦૨૦ની સૌથી મોટી એકશન ફિલ્મ બનશે બાગી-૩
મુંબઇ તા. ૧૪ : ટાઇગર શ્રોફ અભિનિત 'બાગી ૩' તેના ટ્રેલર અને પેહલા સોન્ગ દસ બહાને સાથે દેશભરમા ચર્ચાનું કેન્દ્ર બન્યું છે. બાગી ફ્રેન્ચાઇઝની ત્રીજી ફિલ્મની દરેક ઝલક દર્શકોને આકર્ષિત કરી રહી છે.
એકશનથી ભરપૂર ફિલ્મ બાગી-૩ આ વર્ષની સૌથી મોટી એકશન ફિલ્મ બનવા માટે તૈયાર હોવાનો નિર્માતાઓનો દાવો છે. જેમાં એકશન અને મનોરંજન ત્રણ ગણા વધારે હશે. બાગી ફ્રેન્ચાઈઝીની પેહલી બે ફિલ્મોનું ભારતમા શુટીંગ કરવામાં આવ્યું હતું. આ વખતે નિર્માતાઓએ ભારત, મોરોક્કો, મિરૂ, સર્બિયા, તુર્કી જેવા પાંચ જુદા-જુદા દેશોમાં બાગી-૩નું ફિલ્માંકન કર્યું છે. અહમદ ખાન દ્વારા નિર્દેશિત ફિલ્મ બાગી ૩માં ટાઇગર અને શ્રદ્ઘાની સાથે અંકિતા લોખંડે તેમજ રિતેશ દેશમુખ પણ જોવા મળશે. ફિલ્મને છમાર્ચે રિલીઝ કરવામાં આવશે. સાજીદ નડિયાદવાલા દ્વારા નિર્મિત બાગી ૩ માર્ચેના રિલીઝ કરવામાં આવશે.