નેહા શર્માની બહેન આયેશાનું પણ બોલીવૂડમાં આગમન

જોન અબ્રાહમ એકશન ફિલ્મો માટે જાણીતો છે. તેના ચાહકો માટે એક સારા સમાચાર છે. હવે જોન એક થ્રિલર ફિલ્મમાં જોવા મળશે. મિલાપ ઝવેરી આ ફિલ્મનું નિર્દેશન કરશે. ફિલ્મની કહાની પણ તેણે લખી છે. નિર્માતા નિખીલ અડવાણી અને ભુષણ કુમારની આ ફિલ્મ ફલોર પર આવી ગઇ છે. જોને ટ્વિટર પર ફોટો પોસ્ટ કરીને લખ્યું કતું કે ડાયલોગબાજી અને એકશન માટે તૈયાર છું. આ ફિલ્મ થકી જોનને નવી હિરોઇન મળી છે. આયેશા શર્મા જોન સાથે મુખ્ય ભૂમિકા નિભાવશે. આયેશા તુમ બિન-૨ની હિરોઇન નેહા શર્માની નાની બહેન છે. આયેશા અગાઉ મોડેલિંગ કરી ચુકી છે. અઢારમી માર્ચથી ફિલ્મનું શુટીંગ શરૂ થશે. એ પહેલા કલાકારો વર્કશોપમાં ભાગ લઇ રહ્યા છે. 'એમએસજે' નામની આ ફિલ્મમાં મનોજ બાજપેઇ પણ મહત્વના રોલમાં છે.