કહાની સારી હોય તો કોઇપણ ભાષાની ફિલ્મ કરશે ડેઇઝી

મુળ ગુજરાતની અભિનેત્રી ડેઇઝી શાહને હવેગુજરાતી ફિલ્મ 'ગુજરાતી ૧૧' મળી છે.  આ ફિલ્મમાં તે હોટ અંદાજમાં જોવા મળશે. ડેઇઝી પહેલા ફિલ્મોમાં એકસ્ટ્રા ડાન્સરનું કામ કરતી હતી. સલમાન ખાને તેને જય હો ફિલ્મમાં હિરોઇન બનાવી હતી. એ પછી તેને કેટલીક ફિલ્મો આવી છે. ડેઇઝી કહે છે મને જે ફિલ્મો મળે છે તેમાં જો કહાની જબરદસ્ત હશે તો હું કોઇપણ ભાષાની ફિલ્મ કરીશ.

ગુજરાતી-૧૧ ફિલ્મમાં ડેઇઝી ફૂટબોલ કોચના રોલમાં જોવા મળશે. આ ફિલ્મમાં તેની સાથે પ્રતિક ગાંધી છે. ડેઇઝીએ કહ્યું હતું કે મને મારા એક મિત્રએ સલાહ આપી હતી કે મારી બોલીવૂડ સિવાયની અન્ય ભાષાની ફિલ્મો પણ કરવી જોઇએ. વળી ગુજરાતી મારી માતૃભાષા છે, હું આ ભાષાની ફિલ્મ કરવાની ના પાડી જ ન શકું. કહાની જોરદાર હોવાથી હું આ ફિલ્મ કરવા તૈયાર થઇ છું.