ફિલ્મ ‘ઠાકરે’નુ ગીત ‘આયા રે આયા રે સબકા બાપ રે, કહેતે હૈ ઇસકો… ઠાકરે’ રીલીઝ

બાલાસાહેબ ઠાકરેના રૂપમાં નવાઝુદીન સિદ્દીકીનો દમદાર રૂપ ;ટ્વીટર પર વિડિઓ કર્યો શેર

 

મુંબઈ :શિવસેનાના દિવંગત નેતા બાલાસાહેબ ઠાકરે પર બનેલી ફિલ્મ ‘ઠાકરે’નુ ગીત ‘આયા રે આયા રે સબકા બાપ રે, કહેતે હૈ ઇસકો… ઠાકરે’ રીલીઝ થયુ છે. ગીતમાં બાલાસાહેબ ઠાકરેના રૂપમાં નવાઝુદ્દીન સિદ્દીકીનુ દમદાર રૂપ જોવાયુ  છે. તેમણે ટ્વિટર પર આ ગીતનો વીડિયો પણ શેર કર્યો છે.

   આ ગીતના માધ્યમથી બાલા સાહેબ ઠાકરેની જનતા સાથેની લોકપ્રિયતાને દર્શાવવામાં આવી છે. શિવસેના પ્રમુખ ઉદ્ધવ ઠાકરેએ આ ગીતને રીલીઝ કર્યુ છે. મ્યૂઝિક રીલીઝ દરમ્યાન કાર્યક્રમ સ્થળ પર શિવાજી અને બાલાસાહેબ ઠાકરેનું વિશાળ ચિત્ર લગાવવામાં આવ્યું હતું.

    અત્રે ઉલ્લેખનીય છે કે આ ફિલ્મની સ્ક્રિપ્ટ શિવસેના સાંસદ સંજય રાઉતે લખી છે. એટલું જ નહીં, તેઓ પોતે આ ફિલ્મના નિર્માતા પણ છે.

   બાલાસાહેબ ઠાકરેના રૂપમાં નવાઝુદ્દીન સિદ્દીકી પ્રતિત થઇ રહ્યાં છે, તો મીનાતાઈ ઠાકરે એટલેકે તેમની પત્નીના રોલમાં અમૃતા રાવ દેખાઇ રહી છે. આ ફિલ્મનું ટ્રેલર દર્શકોની સામે પ્રથમ આવ્યું છે. આ ટ્રેલરને ઠાકરેનો ચાહક વર્ગ ઘણો પસંદ કરી રહ્યો છે.