ફરી એકવાર ડાન્સ આધારિત ફિલ્મમાં કામ કરશે શ્રદ્ધા કપૂર

મુંબઈ:મોખરાની અભિનેત્રી શ્રદ્ધા કપૂર ટોચના કોરિયોગ્રાફર કમ ફિલ્મ સર્જક રેમો ડિસોઝાની ડાન્સ આધારિત ફિલ્મની જોરદાર તૈયારી કરી રહી હોવાની માહિતી મળી હતી.તાજેતરમાં એ બાહુબલિ ફેમ પ્રભાસ સાથેની પોતાની ફિલ્મ સાહોના એક્શન શોટ્સ માટે હૈદરાબાદ ગઇ ત્યારે એના ડાન્સ ટીચર કમ કોરિયોગ્રાફર પણ એની સાથે હતા એવી માહિતી મળી હતી. સાહોનું શૂટિંગ કરતાં કરતાં વચ્ચે સમય મળે ત્યારે શ્રદ્ધા ડાન્સના પોતાનાં સ્ટેપ્સ પાક્કા કરતી હતી એવી માહિતી મિડિયાને મળી હતી.રેમોની આ ફિલ્મ ઘણું કરીને એબીસીડી સિરિઝની ત્રીજી ફિલ્મ હશે એવું એની આસપાસનાં સૂત્રો કહે છે. રેમોએ જો કે હજુ ફિલ્મના ટાઇટલની કે સ્ટોરીલાઇનની જાહેરાત કરી નથી. આ ફિલ્મમાં શ્રદ્ધા ફરી એકવાર વરુણ ધવન સાથે ચમકશે. અગાઉ આ બંને કલાકારો એબીસીડી (એની બડી કેન ડાન્સ ટુ)માં સાથે કામ કરી ચૂક્યાં છે.સાહો અને રેમોની ફિલ્મ ઉપરાંત શ્રદ્ધા ઇન્ટરનેશનલ બેડમિંગ્ટન સ્ટાર સાઇના નેહવાલની બાયો-ફિલ્મ પણ કરી રહી છે. આમ એક તરફ એ ડાન્સની તૈયારી કરે છે તો બીજી તરફ બેડમિંગ્ટનની પ્રેક્ટિસ પણ ચાલુ રાખી છે.