મહિલાઓના શોષણને ખત્મ કરવા ઇચ્છે છે કામ્યા પંજાબી

ટીવીની જાણીતી અભિનેત્રી અને બિગ બોસમાં ભાગ લઇ ચુકેલી કામ્યા પંજાબી રાજનીતિને એક સારી કારકિર્દી સમજી રહી છે. તે કહે છે હું રાજકારણમાં આવીને મહિલાઓના શોષણને ખત્મ કરવા ઇચ્છુ છું. તે કહે છે આ વિકલ્પ મને ખરાબ નથી લાગતો. આ એક પડકારજનક કારકિર્દી છે. જે તમારી તાકાતની પણ પરિક્ષા લઇ લે છે અને તમારા વ્યકિતત્વની કસોટી પણ થઇ જાય છે. કામ્યા કહે છે મહિલાઓ પણ શ્રેષ્ઠ જિંદગી જીવવા માટે હકદાર છે. કોઇપણ મહિલા પરિવાર કેસમાજનો શિકાર થાય એ હું જોઇ શકતી નથી. હું જો રાજનીતિમાં આવીશ તો એવો માહોલ ઉભો કરીશ કે મહિલાને હેરાન કરતાં પહેલા લોકો સો વાર વિચાર કરશે. હાલમાં કામ્યા ટીવી શો 'શકિત-અસ્તિત્વ કે અહેસાસ કી'માં જોવા મળી રહી છે.