જૈસમીન બનશે નવી કોમોલિકા
એકતા કપૂરની ટીવી સિરીયલ 'કસોટી જિંદગી કી-૨'માં કોમોલિકાનો રોલ નિભાવી રહેલી હીના ખાનને દર્શકોએ આ રોલ માટે ખુબ પસંદ કરી છે. પરંતુ બોલીવૂડના પ્રોજેકટમાં હીના વ્યસ્ત રહેતી હોવાથી તે આ શો છોડી રહી છે. હવે તેની જગ્યાએ નવી કોમોલિકાને લેવામાં આવી છે. એક સમયે નિર્માતાઓને આશા હતી કે હીના તેના પ્રોજેકટમાંથી ફ્રી થઇને ફરીથી આ શોમાં કોમોલિકાના પાત્ર માટે સમય ફાળવશે. પરંતુ એમ થઇ શકયું નથી. આથી એકતા કપૂરે કોમોલિકાના રોલ માટે નવી અભિનેત્રીની શોધખોળ શરૂ કરી હતી. હવે કોમોલિકા અને મિસ્ટર બજાજ સાથે કામ કરવાના છે એવો ટ્રેક છે. નવી કોમોલિકા માટે રાગીણી ખન્ના, મધુરિમા તુલી, રિધ્ધી ડોગરાના નામો સામે આવ્યા હતાં. છેલ્લે એકતાએ સનાયા ઇરાનીને આ રોલ માટે પસંદ કરી હતી. પણ સનાયાએ ના કહી દેતાં અંતે જૈસમીન ભસીનને આ રોલ અપાયો છે. જૈસમીન અગાઉ ખતરો કે ખિલાડીમાં ભાગ લઇ ચુકી છે.