News of Tuesday, 10th July 2018
નવી ફિલ્મનું સપ્ટેમ્બરમાં શુટીંગ શરૂ કરશે શાહરૂખ
શાહરૂખ ખાનને બોલીવૂડનો કિંગ ગણવામાં આવે છે. હાલમાં તે 'ઝીરો' ફિલ્મને કારણે ચર્ચામાં છે. આ ફિલ્મનું શુટીંગ પુરૂ થઇ ગયું છે. હવે પછી સપ્ટેમ્બરથી તે નવી ફિલ્મ 'સેલ્યુટ'નું શુટીંગ શરૂ કરશે. આનંદ એલ. રાયના નિર્દેશનમાં બનેલી ઝીરોનું ટીઝર રિલીઝ થઇ ગયું છે. જે દર્શકોને ગમ્યું છે. સેલ્યુટ ફિલ્મ ઇન્ડિયન એર ફોર્સના પૂર્વ પાયલોટ અને ભારતના પહેલા અંતરિક્ષ યાત્રી રાકેશ શર્મા પર આધારીત છે. સપ્ટેમ્બરમાં શુટીંગ શરૂ કર્યા પછી શાહરૂખ ઝીરોનું પ્રમોશન કરશે. બાદમાં ફરીથી જાન્યુઆરીમાં સેલ્યુટનું શુટીંગ કરશે. આ ફિલ્મનું નિર્દેશન મહેશ મથાઇ કરી રહ્યા છે. આ ફિલ્મ માટે કરીના કપૂરને લેવાની ચર્ચા છે. પણ કરીનાએ હાલ ના કહી દીધી છે.
(9:18 am IST)