અક્ષય કુમાર અને ગુલશન ગ્રોવર વચ્ચે થશે જોરદાર ટક્કર

રોહિત શેટ્ટીએ અક્ષય કુમારને લઇને સૂર્યવંશી ફિલ્મનું શુટીંગ શરૂ કરી દીધું છે. ફિલ્મના સેટ પર ખતરનાક સ્ટંટ કરતી અક્ષયની તસ્વીરો પણ સામે આવી ચુકી છે. પહેલી વખત અક્ષય અને રોહિત સાથે કામ કરી રહ્યા છે. આ ફિલ્મમાં વિલન તરીકે ગુલશન ગ્રોવરની એન્ટ્રી થઇ છે. ૨૦૨૦માં રિલીઝ થનારી આ ફિલ્મનું હાલમાં બેંગકોકમાં શુટીંગ ચાલી રહ્યું છે. ગુલશન પણ શુટીંગમાં જોડાઇ ગયો છે. ગુલશનને આ ફિલ્મમાં મુખ્ય વિલનનો રોલ મળતાં તે ખુશ છે. તે રોહિત શેટ્ટીની ફિલ્મોનો મોટો ચાહક છે. ગુલશન કહે છે રોહિત ફિલ્મ બનાવતી વખતે યુવા દર્શકો અને પરિવારને ધ્યાને રાખે છે. અગાઉ અક્ષય કુમાર અને ગુલશન ગ્રોવરે હેરાફેરી, ઇન્ટરનેશનલ ખિલાડી જેવી ફિલ્મો સાથે કરી છે. હવે સૂર્યવંશીમાં આ બંને એક બીજાને જોરદાર ટક્કર આપશે. અક્ષય એટીએસ ચીફ વિર સૂર્યવંશીના રોલમાં છે.  કેટરીના કૈફ તેની પત્નિનો રોલ નિભાવી રહી છે.