કાર્તિક સાથે જામી રહી છે સારાની દોસ્તી

કેદારનાથ અને સિમ્બાની સફળતા બાદ સારા અલી ખાન હાલમાં પોતે જેની પ્રત્યે આકર્ષણ ધરાવે છે તેવા હીરો કાર્તિક આર્યન સાથે ફિલ્મ 'લવ આજકલ'ની સિકવલના શુટીંગમાં વ્યસ્ત છે. આ ફિલ્મમાં બંનેને જોડી જબરદસ્ત બની રહેશે તેવું જણાય છે. સારાએ એક ટોક શોમાં કહ્યું હતું કે તે કાર્તિકને પસંદ કરે છે. આ બંને વચ્ચે હવે દોસ્તી પણ જામી છે અને સાથે જોવા પણ મળે છે. ઇદના તહેવારમાં આ બંને મોઢા ચહેરા છુપાવીને બહાર નીકળ્યા હતાં. આવી એક તસ્વીર કાર્તિકે સોશિયલ મિડીયા પર પોસ્ટ કરી છે. બંને મસ્જીદ બહાર ઉભા હોય તેવી આ તસ્વીર છે. કાર્તિકે તસ્વીર સાથે ઇદ મુબારક પણ લખ્યું હતું. સારા ફિલ્મો ઉપરાંત સોશિયલ મિડીયા અને ફોટોશૂટમાં પણ સક્રિય રહે છે. તાજેતરમાં તેણે કેટલીક હોટ તસ્વીરો પોસ્ટ કરી હતી. જે ચાહકોએ ખુબ વખાણી હતી. સારા પાસે વરૂણ ધવન સાથેની કૂલી નંબર વનની રિમેક પણ છે.