અભિનય સાથે અભ્યાસમાં પણ અવ્વલ અશનૂર

ટીવી અભિનેત્રી અશનૂર કોૈર ટીવી સિરીયલ 'પટિયાલા બેબ્સ'માં મુખ્ય રોલ નિભાવી રહી છે. ગયા સોમવારે જ સીબીએસઇનું દસમા ધોરણનું રીઝલ્ટ જાહેર થયું હતું. જેમાં અશનૂરે ૯૩ પરસન્ટ સાથે પાસ થઇ પોતે અભિનયની સાથોસાથ ભણતરમાં પણ અવ્વલ હોવાનું સાબિત કર્યુ છે.

અશનૂર કાંદીવલીની રાયન ઇન્ટરનેશનલ સ્કૂલમાં ભણે છે. અશનૂરે કહ્યું હતું કે મને ખબર જ હતી કે મારે નવું ટકા આવશે. પણ ૯૩ ટકા આવતાં હું વધુ ખુશ થઇ છું. હું પરિણામ જોવા ગઇ ત્યારે ખુબ ચિંતામાં હતી, મારી સાથે મારી મા પણ હતી. રિઝલ્ટ સામે આવતાં જ માની આંખમાંથી ખુશીના આંસુ છલકી આવ્યા હતાં. શુટીંગના સેટ પર પણ મને બધાએ શુભકામના પાઠવી હતી.