થ્રિલર ફિલ્મમાં સાથે કામ કરશે ઇમરાન હાશ્મી અને રિશી કપૂર

મુંબઈ:દક્ષિણ ભારતીય તેમજ વિદેશી ફિલ્મોની નકલ અથવા તો હક્ક ખરીદીને ફિલ્મ બનાવાનો ટ્રેન્ડ સદીથી ચાલતો આવ્યો છે. પરંતુ હવે બોલીવૂડના માંધાતાઓએ સ્પેનિશ ફિલ્મો પર પણ નજર દોડાવી છે. આ ફિલ્મો બોલીવૂડના દર્શકોને પસંદ પડી પણ રહી છે. આ જ કડીમાં બની રહેલી ફિલ્મ આ વરસે રીલિઝ થાય તેવી શક્યતા છે. દક્ષિણ ભારતીય ફિલ્મોના દિગ્દર્શક જીતૂ જોસફની પ્રથમ હિંદી ફિલ્મ જલદી જ રીલિઝ થશે. આ એક થ્રિલર ફિલ્મ છે. જેમાં ઇમરાન હાશ્મી અને રિશી કપૂર મુખ્ય ભૂમિકામાં છે. આ ફિલ્મ ૨૦૧૨માં આવેલી ક્રાઇમ વિષયક  થ્રિલર ફિલ્મ ' ધ બોડી હિંદી રિમેક હશે. જોકે આ અંગ્રેજી નામ છે પરંતુ ફિલ્મનું અસલી નામ તો સ્પેનિશમાં જ છે. કહેવાય છે કે હિંદીમાં પણ આ ફિલ્મ 'ધ બોડી શિર્ષકથી જ રીલિઝ થશે.આ ફિલ્મનું મુંબઇમાં શૂટિંહ થયા બાદ મોરેશિયસમાં પણ શૂટિંગ થઇ ચુક્યું છે. આ વરસના અંત સુધીમાં આ ફિલ્મને રીલિઝ કરવાની યોજના છે. ઇમરાન હાશ્મી લાંબા સમય બાદ રૃપેરી પડદે જોવા મળશે. ભૂતકાળમાં તેણે ઘણી સફળ ફિલ્મો આપી છે. તેથી બોલીવૂડના માંધાતાઓને આશા છે કે આ ફિલ્મ પણ દર્શકોનું મનોરંજન કરી શકશે.