સુહાના ખાન શીખી રહી છે બેલી ડાન્સ
કોરોના યાવરસને કારણે સમગ્ર દુનિયામાં લગભગ લોકડાઉનની સ્થિતિ છે. આ કારણે તમામ જીમ અને ફિટનેસ સેન્ટર પણ બંધ છે. આવા સમયમાં બોલીવૂડ સેલિબ્રિટી પોતાને ફિટ અને સ્વસ્થ રાખવા યોગ, કસરતો, જુમ્બા, વેઇટ લિફટીંગ સહિતનો સહારો લઇ રહ્યા છે. આવા ફોટો અને વિડીયો પણ તે સોશિયલ મિડીયા પર પોસ્ટ કરે છે. શાહરૂખ ખાનની લાડકી દિકરી સુહાના પણ સેલ્ફ આઇસોલેશન દરમિયાન પોતે ફિટ રહે તે માટે ઓનલાઇન બેલી ડાન્સ શીખી ફિટ રહેવાનો પ્રયાસ કરી રહી છે. તેણે આવી તસ્વીરો સોશિયલ મિડીયા પર પોસ્ટ કરતાં જ વાયરલ થઇ ગઇ હતી. સુહાનાની ટીચર સંજના મુજરેજાએ પોતાના ઇંસ્ટાગ્રામ પરથી સુહાનાની તસ્વીરો પોસ્ટ કરી હતી. તસ્વીરમાં સુહાના સાથે બેલી ડાન્સ ટીચર વિડીયો કોલથી એક બીજા સાથે વાત કરતાં હોય તે જોઇ શકાય છે. કેપ્શનમાં લખ્યું છે કે-આ એક પડકાર છે, પણ અસંભવ નથી. સુહાના ઓનલાઇન બેલી ડાન્સ શીખી રહી છે. સુહાના ફિટનેસની બાબતમાં સતત સતર્ક રહે છે.