ચાહકોને ગમ્યો શ્રધ્ધાનો લૂક

બાહુબલી પ્રભાસ હાલમાં પોતાની ફિલ્મ 'સાહો'ના કામમાં વ્યસ્ત છે. તેની સાથે મુખ્ય હિરોઇન તરીકે બોલીવૂડની આશિકી ગર્લ શ્રધ્ધા કપૂરને લેવામાં આવી છે. આ ફિલ્મનો શ્રધ્ધાનો લૂક સોશિયલ મિડીયા પર રજૂ થયો છે. જેમાં તે ખુબ ગુસ્સામાં હોય તેવી દેખાઇ રહી છે. ચાહકોને તેનો આ લૂક ગમ્યો છે. આ પહેલા પ્રભાસના આડત્રીસમા જન્મ દિવસના રોજ સાહોનું પહેલુ પોસ્ટર રિલીઝ કરાયું હતું. જેમાં તે અલગ જ અંદાજમાં દેખાઇ રહ્યો છે. આ ફિલ્મ એડવેન્ચર ફેન્ટસી છે. શ્રધ્ધાની આ પહેલી જ તેલુગુ ફિલ્મ છે. ફિલ્મનું શુટીંગ શરૂ થઇ ચુકયું છે. દોઢસો કરોડના બજેટમાં બની રહેલી આ ફિલ્મ મળતાં શ્રધ્ધા ખુબ જ ખુશ છે. તેલુગુ ઉપરાંત હિન્દીમાં પણ આ ફિલ્મ રિલીઝ થશે. એકશનથી ભરપુર આ ફિલ્મમાં નિલ નિતીન મુકેશ, જૈકી શ્રોફ, ચંકી પાંડે અને મંદિરા બેદી પણ છે.