પ્રિયંકા ચોપરા જોસ નામ થઇ ગયુ પરંતુ દીપિકા પાદુકોણની સરનેમ કે નામમાં બદલાવ હજુ સુધી નથી થયો
લગ્ન બાદ પ્રિયંકા ચોપરા અને નિક જોનસ સતત ચર્ચામાં રહ્યા છે. દિલ્હીમાં શાનદાર રિસેપ્શન બાદ ગઈકાલે પ્રિયંકા અને નિક મુંબઈ પાછા ફર્યા હતા. પ્રિયંકા લગ્ન પછી પતિની સંસ્કૃતિ અને કુટુંબને સંપૂર્ણપણે અપનાવી લેવા માંગે છે. આથી જ તેણે પોતાનું નામ બદલીને પ્રિયંકા ચોપરા જોનસ કરી નાંખ્યું છે.
સોશિયલ મીડિયા પર નામ બદલ્યુઃ
પ્રિયંકાએ પોતાના સોશિયલ મીડિયા એકાઉન્ટ પર નામ બદલને પ્રિયંકા ચોપરા જોનસ કરી નાંખ્યું છે. તમે અહીં પ્રિયંકાના ઑફિશિયલ ઈન્સ્ટાગ્રામ એકાઉન્ટનો સ્ક્રીન શૉટ જોઈ શકો છો.
પ્રિયંકા કામે વળગીઃ
પ્રિયંકાએ દિલ્હીમાં રિસેપ્શન બાદ સામાજિક અને ડેટિંગ એપ બંબલના લોન્ચમાં હાજરી આપી હતી. પ્રિયંકાએ પોતે આ એપમાં ઈન્વેસ્ટ કર્યું હતું. તેનો ઉદ્દેશ સોસાયટીમાં બદલાવ લાવવાનો અને સ્ત્રીઓનું સશક્તિકરણ કરવાનો છે. આ એપ ટિંડર છોડનારા વ્હિટની વોલ્ફ હર્ડે બનાવી છે. લગ્ન પછી તરત જ પ્રિયંકા કામમાં વ્યસ્ત થઈ ગઈ છે.
દીપિકાએ નથી બદલ્યુ નામઃ
પ્રિયંકાની કટ્ટર હરીફ દીપિકા પાદુકોણ પણ લગ્ન પછી મેગેઝિન્સને ઈન્ટરવ્યુ આપી રહી છે. લગ્ન દરમિયાન પણ સતત પ્રિયંકા અને દીપિકાની સરખામણી થઈ રહી હતી. ઉલ્લેખનીય છે કે દીપિકા પાદુકોણેએ અત્યાર સુધી પોતાની સરનેમ કે નામમાં કોઈ બદલાવ કર્યો નથી.
મસ્તાની ભવનાની કબ હોગી?
ઉલ્લેખનીય છે કે લગ્ન બાદ દીપિકાના સસરાએ મજાકમાં કહ્યું હતું કે- ‘મસ્તાની અભી ભવનાની હો ગઈ’ પરંતુ દીપિકાએ હજુ સુધી પોતાની અટક બદલી નથી. એક જાણીતા એસ્ટ્રોલોજરે દીપિકાને લગ્ન પછી નામ ન બદલવાની સલાહ આપી છે.