આવતી કાલે ચીનમાં રજૂ થશે 'ટોયલેટ એક પ્રેમ કથા'

મુંબઈ:ટોચના એક્શન સ્ટાર અક્ષય કુમારની સામાજિક સંદેશ ધરાવતી અને સુપરહિટ નીવડેલી ફિલ્મ ટોયલેટ એક પ્રેમકથા આવતી કાલે શુક્રવારે ૮મી જૂને ચીનમાં રજૂ થશે એવી માહિતી મળી હતી.શ્રી નારાયણ સિંઘ નિર્દેશિત આ ફિલ્મમાં અક્ષયની સાથે ભૂમિ પેડણેકર અને સોનમ કપૂર ચમક્યાં હતાં. દક્ષિણ ભારતની ગરીબ મહિલાઓને તેમના માસિક સ્રાવ દરમિયાન, સસ્તાં સેનિટરી નેપકીન્સ મળી રહે એ માટે પ્રયાસો કરનારા અરુણાચલમ મુરુગનાથની આ બાયોફિલ્મ દેશમાં હિટ નીવડી હતી. હાલના વડા પ્રધાનના સ્વચ્છ ભારતના અને ખુલ્લામાં ગુરુશંકા નહીં કરવાના આંદોલનના એક ભાગ રૃપે આ ફિલ્મ બનાવાઇ હતી જેને બોક્સ ઑફિસ પર પણ સારો પ્રતિસાદ મળ્યો હતો. ફિલ્મે પહેલા સપ્તાહમાં જ ૧૦૦ કરોડની આવક નોંધાવી હતી. ફિલ્મ સર્જકોએ બુધવારે આ ફિલ્મનું ચાઇનીઝ ભાષામાં પોસ્ટર રિલિઝ કર્યુ ંહતું.