ક્રિસ્ટલનું સપનુ પુરૂ

ટીવી પરદેથી અનેક અભિનેત્રીઓ બોલીવૂડમાં અને કોલીવૂડમાં પહોંચી સફળતા મેળવી ચુકી છે. વધુ એક આવી અભિનેત્રીની બોલીવૂડમાં એન્ટ્રી થઇ રહી છે. નિર્માતા આનંદ પંડિતની સસ્પેન્સ-થ્રિલર ફિલ્મ ચહેરે થકી ક્રિસ્ટલ ડિસુઝા બોલીવૂડની હિરોઇન બનશે. આ ફિલ્મના નિર્દેશક રૂમી જાફરી છે. આ ફિલ્મમાં અમિતાભ બચ્ચન, ઇમરાન હાસમી, સિધ્ધાંત કપૂર, રિયા ચક્રવર્તી, રઘુવીર યાદ, અનુ કપૂર પણ ખાસ રોલમાં છે. ચોવીસમી એપ્રિલે આ ફિલ્મ રિલીઝ થઇ રહી છે. અનેક ટીવી શો થકી ઘર-ઘરમાં જાણીતી ક્રિસ્ટલે કહ્યું હતું કે ફિલ્મી પરદે મારી એન્ટ્રી ચહેરે ફિલ્મ થકી થઇ રહી છે, આ કારણે હું ખુબ જ ખુશ છું. હું ગોૈરવ અનુભવી રહી છું કે એક મહાન કલાકાર સાથે કામ કરવાની મને તક મળી છે. આ માટે હું રૂમીજી અને આનંદજીની આભારી છું. મારા માટે તો સપનુ પુરૂ થવા જેવું થયું છે. દર્શકોને આ ફિલ્મ ચોક્કસ ગમશે તેવી મને આશા છે. પોલેન્ડમાં એકશન દ્રશ્યો માટે દસમીથી શુટીંગ શરૂ થશે. જેમાં અમિતાભ બચ્ચનના ચેઝ સિનનું ફિલ્માંકન પણ થશે.