સોનુ કે ટીટૂ કી સ્વીટીને પછાડશે બધાઇ હો

અજય દેવગનની રેડના બિઝનેસને પાર કર્યા બાદ ગઇ કાલે અક્ષયકુમારની ગો૯ડને પણ પાછળ છોડી હતી

મુંબઇ તા.૬: આયુષ્યમાન ખુરાનાની 'બધાઇ હો' બહુ જલ્દી 'સોનુ કે ટીટૂ કી સ્વીટી'નો લાઇફટાઇમ બિઝનેસ પાર કરશે એવું લાગી રહ્યું છે. ૧૮ ઓકટોબરે રિલીઝ થયેલી આ ફિલ્મ બોકસ-ઓફિસ પર ૨૦૧૮માં સૌથી વધુ નફો કરનારી ફિલ્મોમાં સામેલ થઇ ગઇ છે તેમજ આ ફિલ્મ ૨૦૧૮ની સોથી વધુ બિઝનેસ કરનારી ફિલ્મોમાં આઠમાં ક્રમે પણ આવી ગઇ છે. અજય દેવગનની 'રેડ'ના ૧૦૩.૦૭ કરોડ રૂપિયાના બિઝનેસના આંકડાને પાર કરીને આ ફિલ્મે ગઇકાલે અક્ષયકુમારની 'ગોલ્ડ'ના બિઝનેસને પણ પાર કર્યો હતો. 'ગોલ્ડ'નો લાઇફટાઇમ બિઝનેસ ૧૦૪.૭૨ છે અને 'બધાઇ હો'એ રવિવાર સુધીના બિઝનેસમાં ૧૦૪ કરોડ રૂપિયાનો બિઝનેસ કર્યો હતો. આ ફિલ્મે ગઇ કાલે ૭૨ લાખ કરતાં વધુનો બિઝનેસ કર્યો હતો, પરંતુ એ જાહેર કરવામાં નથી આવ્યું. આ ફિલ્મે ૧૮ દિવસમાં ટોટલ ૧૦૪ કરોડનો વકરો કર્યો છે અને એ દિવાળી સુધીમાં 'સોનુ કી ટીટૂ કી સ્વીટી'ના બિઝનેસને પણ પાર કરી જશે. આ ફિલ્મનો લાઇફટાઇમ બિઝનેસ ૧૦૮.૯૫ કરોડ રૂપિયા છે. ગયા શુક્રવારે બોકસ-ઓફિસ પર એક પણ નવી ફિલ્મ રિલીઝ ન થઇ હોવાથી 'બધાઇ હો' ને ખૂબ જ સારો રિસ્પોન્સ મળી રહ્યો છે.