નિર્માતા વિભુ અગ્રવાલ પર જાતીય સતામણીનો આરોપ: મુંબઈ પોલીસે કેસ કર્યો દાખલ

મુંબઈ: શહેર પોલીસે નિર્માતા વિભુ અગ્રવાલ સામે કેસ નોંધ્યો છે. તેના પર એક મહિલાએ જાતીય શોષણનો આરોપ લગાવ્યો છે. પોલીસે આઈપીસીની કલમ 354 હેઠળ કેસ નોંધ્યો છે. વિભુની ઉલ્લુ ડિજિટલ પ્રાઇવેટ લિમિટેડ નામની પોતાની ફિલ્મ નિર્માણ કંપની છે. આ કંપની પુખ્ત સામગ્રી બનાવવા માટે જાણીતી છે. ન્યૂઝ એજન્સી એએનઆઈના જણાવ્યા અનુસાર, વિભુ સિવાય, કંપનીની કન્ટ્રી હેડ અંજલી રૈના પર પણ કેસ નોંધવામાં આવ્યો છે.