પ્યારી પ્રેમિકા કેતકીના રોલમાં ટીના દત્તા
ટીવી અને ફિલ્મોના અનેક સ્ટાર્સ ડિજીટલ પ્લેટમોર્ફ પર એન્ટ્રી કરી રહ્યા છે. મોટી મોટી ફિલ્મો પણ લોકડાઉનને કારણે આ પ્લેટફોર્મ પર રિલીઝ થઇ રહી છે. ટીવી અભિનેત્રી ટીના દત્તા પણ એક વેબ સિરીઝ દ્વારા આ દુનિયામાં કદમ માંડી રહી છે. ટીવી શો 'ઉતરન'ને કારણે ઘર-ઘરમાં જાણીતી થયેલી ટીના કહે છે ડિજીટલ ફિલ્ડમાં જવા હું ઉત્સાહિત છું. 'નકસલ' નામની વેબ સિરીઝ મને મળી છે. આ સિરીઝમાં ચાહકો મને અલગ જ અવતારમાં જોઇ શકશે. આવો રોલ મેં સ્ક્રીન પર કદી પણ ભજવ્યો નથી. શોમાં મને એક પોલીસ ઓફિસરની પ્યારી પ્રેમિકા કેતકીનો રોલ અપાયો છે. આ શોમાં મારો મુખ્ય રોલ છે અને કહાની તથા પાત્રો સાથે ટ્વિસ્ટ તથા ટર્ન પણ છે. બધાને આ સિરીઝ ખુબ ગમશે તેવી મને આશા છે. ટીનાના આ વેબ શોનું શુટીંગ ગોવામાં થશે. આમિર અલી, રાજીવ ખંડેલવાલ પણ મુખ્ય ભુમિકામાં છે. ટીનાએ પાંચ વર્ષની ઉમરે જ અભિનય શરૂ કરી દીધો હતો. ઉતરન શોએ તેને નામ અને દામ બંને આપ્યા છે.